نكت مضحكه جدا

موضوع: نكت مضحكه جدا الجمعة يوليو 20, 2012 2:53 pm

لو يعني مش لاقي حاجة تعملها في سنة 2013 او 2012 وقاعد زي العادة متنكد وحاسس انها راحت عليك هي ايه معرفش وانه كل مقفل في وش حضرتك خلاص لن ينفع معك غير نكت 2013 مضحكة جدا 2013 جامدة بجد قصيرة جدا و اخر حاجة.

نكت مضحكة جدا 2013 هاتعمل المستحيل اول ما تقراهم ، نكت مضحكة جدا ترفع معنوياتك انت واللي جابوا جنابك .. خليك في نكت مضحكة جدا 2013 وشوف بتأثر ولا لا :

مرة واحد من كتر حبه للموبيلات جاب بنت سماها شريحة
مره واحد بيقول لمراته اقولك نكته قالتله قول قالها نكته ، قالتله هيه بايخة قالها هيه طالق .
واحد قابل واحد بيجرى فى الشارع فسالة بتجرى لية قالة حماتى اشتريت لها نصف كيلو سمك اكلته نىء اصيبت بشلل نصفى فقاله رايح تجيب لها الدكتور قاله لا انا رايح اجيب لها النصف كيلو الثانى
مره واحد احول سالوه:ايه هى امنيتك في الحياة؟ قال اشوف واحد ماشى لوحده
واحد مدمن انترنت بيضطروا يدوله لنك فى الوريد ويشربوه شات بلبن
مره واحد حب يشتري فراخ فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه فراجل قاله بص احنا معندناش فراخ بس ايه رايك في النظام؟
مرة واحد كل لما يعدى من شارع يشوف واحد بيشرب سجارتين فساله مره ليه هو انا ليه كل لما اعدى من هنا اشوفك بتشرب سجارتين قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه قاله اصل انا بطلت
النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه
اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ
واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد
مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب
واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له “اتفضل” التاني يقوله “لأ اتفضل إنت الأول.”
مرة واحد غبي راح للدكتور علشان يكشف علي ابنه.. الدكتور دخل مع الواد اوضة الكشف.. و بعدها بربع ساعة طلع الدكتور وقال للراجل ابنك مات.. راح طلع الواد الصغير و قال لابوه…. بابا بابا انا لس مامتش يابا.. راح ابوه قاله اسكت يا ولد انت هتعرف اكتر من الدكتور
طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط
==============================
اتنين صحاب واحد حرامي والتاني ندل اتفقوا إن الحرامي يعلم الندل السرقه والندل يعلم الحرامي النداله ، فبدأ الحرامي وخد الندل وركبو الاتوبيس وراح سرق محفظة من واحد قدام الندل وقله علمني بقى النداله قله ماشي راح الندل قال للراجل أهو اللي سرق محفظتك .
مرة وحدة وحشة اوى دخلة الحمام فبتقول اعوذ بيك من الخبث والخبائث راح الشيطان قالها من غير ما تقولى انا كده كده طالع
سأل المدرس الطالب: الثعلب يلد ام يبيض؟ قال الطالب: الثعلب مكار توقع منه اي شي!!
خروف بيسأل خروف “مر عيدين ومذبوحكش ليه؟” قال اصل انا متسجل في شهاده الميلاد حمار
سواق لوري محمل فراخ ومعاه بغبغان . شاف بنت حلوة بتشاورله يوصلها ، ركبت معاه وحاول يبوسها فرفضت فقالها أبوسك يا تنزلي فنزلت.. لما وصل السواق مشواره لقي فرخة واحدة هي اللي فاضلة والبغبغان بيقولها أبوسك يا تنزلي ..
عنده مزرعة فراخ دخل المزرعة لقى كل فرخة بايضة .. بيضة واحدة… مسك فرخة من رجليها وقطعها وقال للفراخ اللى مش هتجيب بكرة .. 5بيضات هاقعها زى الفرخة دى… تانى يوم لقى كل الفراخ بيضة 5 بيضات .. ماعدا فرخة بيضة 3 بيضات فقال لها اية دة فقالت لة استر عليا دة انا ديك
مرة واحده ماشيه فى الشارع وواحد وراها عمال يعاكسها:ياسلام على المشيه البلدى ..ياسلام على الجسم البلدى ..ياسلام….ولما دورت وشها تزعقله لقاها سوداء قالها:ياسلام على الفحم البلدى
مرة واحد وقف تاكسى .. قاله : حدايق القبة .. قاله حتضايقها ليه يا عمالزوجه تقول لزوجها : اسلوبك صاير زفت معاي هالأيام رد عليها: على سيرة الزفت شو أخبار أبوكي
تشتكى زوجها لامه بتقولها الحقينى يا حماتى كل ما اطبخ اكل ابنك ياخده ويرميه للكلب فردت .. حماتها حرام ايه بس ذنب الكلب
===========================
مرة صياد دبح على العيد سمكة
مره واحد صعيدي لقى مصباح سحرى قعد يدعك فيه لحد العفريت ما جاله تسلخات
واحد صعيدى نزل مصر شاف بتع الانابيب قاله افتحلى واحدة ساقعة
مرة واحد صعيدى لاقى محل نت كافية مكتوب علية الساعة ب 10 جنيه .. راح دخل وسال هيا ضد المية؟؟
غبى خطف غبية ركبها العربية فضلت تصوت قالها: هتسكتى ولا هنزلك ؟ قالت له لا هسكت
مره واحد فشار قوى بيقول لصاحبه انا كنت ماشى فى الصحرا طلع عليا اسد نطيت في البحر،صاحبه قاله بحر ايه بس اللي فى الصحره، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشى فى الصحرا طلع عليا اسد أكلنى.. ارتحت
عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده.
مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم
ديلفرى بيسأل شيخ قاله هو انا شغلى حرام ؟ قاله ليه انت مش مؤمن؟ قاله لا كنتاكى
مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو
واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم
مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى
مرة واحد زعلان مع مراته كتب لها ورقة مكتوب فيها صحينى الساعة 6 الصبح قام الساعة 11 لقا ورقة مكتوب عليها اوم اصحا الساعة 6
مرة ظابط طلع على المعاش فتح محل حلويات سماه التورتة في خدمة الشعب
مره وحدة روحت على بيتها متاخر قال لها زوجها :انتى كنتى فين يا مدام ؟؟؟ قالت :لا مهوا … اصلو … كان فى واحد بيعكسنى قال لها :هو بيعكسك انتى اتاخرتى ليه ؟؟؟؟ قالت :اصله كان ماشى على مهله ….!
=========================